Áreiðanlegar og aðgengilegar upplýsingar um fjárhagsstöðu á hverjum tíma eru lykilatriði fyrir fjármálastjóra. Fjárvakur uppfyllir þessar kröfur fyllilega og hefur veitt Flugfélaginu trausta og góða þjónustu sem hægt er að mæla með.

Sigfús Kárason fjármálastjóri Flugfélags Íslands

Við hjá Reitum höfum verið í samstarfi við Fjárvakur í eitt og hálft ár. Mér líkar þjónustan og starfsfólkið sem hana veitir ákaflega vel. Þjónustan fellur mjög vel að skipulagi okkar og stærð þar sem við útvistum mikilvægum og viðkvæmum verkefnum til Fjárvakurs.

Einar Þorsteinsson fjármálastjóri Reita

Við útvistum öllum helstu verkferlum fjármálasviðs til Fjárvakurs. Þessir ferlar eru rafrænt samþykktarferli reikninga, færsla og afstemming bókhalds, greiðsla reikninga, reikningagerð, launavinnsla, uppgjör og ársreikningagerð. Ástæðan er sú að við erum mjög sérhæft fyrirtæki og útvistum almennt allri stoðþjónustu. Við teljum að hjá sérhæfðum aðila á þessu sviði haldist betri og faglegri fókus á þessi verkefni heldur en hjá okkur. Reynslan hingað til hefur einnig sýnt að í þessu felst fjárhagsleg hagræðing fyrir okkur á sama tíma og við erum með aðgang að besta bókhaldskerfinu sem í boði er á hverjum tíma. Fyrir utan betri fókus og fjárhagslega hagræðingu er það einnig mikilvægt fyrir okkur að gæðin í þessum þáttum starfseminnar séu hafin yfir allan vafa, gæði bókhaldsins og að verkferlar séu skýrir. Það er okkur mikilvægt að hafa skýran aðskilnað milli starfssviðanna, t.d. milli gjaldkera, færslu bókhalds og samþykkt reikninga.

Andri Guðmundsson forstjóri H.F. Verðbréfa

Þjónusta Fjárvakurs er fagleg og viðmót starfsfólksins til fyrirmyndar. Við hjá Hvítlist hf. höfum fengið Fjárvakur til að annast bókhald, launauppgjör og greiðslumiðlun okkar um árabil. Verðlag þjónustunnar er sanngjarnt og að teknu tilliti til allra þátta þá er útvistun til Fjárvakurs sannarlega rökrétt.

Guðjón Sigurðsson framkvæmdastjóri Hvítlistar hf.

Við hjá Reginn fasteignafélagi erum með launavinnsluna okkar og dótturfélaga hjá Fjárvakri. Það hentar okkur vel að útvista þessum þætti þar sem við erum með litla yfirbyggingu og hentugt að láta fagfólkið hjá Fjárvakri halda utan um launavinnsluna. Við erum búin að vera hjá Fjárvakri síðan 2011 og erum mjög ánægð með þjónustuna sem er bæði greið og persónuleg. Starfsfólki Fjárvakurs sem við höfum haft kynni af má gefa fyrsta flokks einkunn fyrir lipurð, góða  þjónustu og jákvætt viðmót.

Helgi S. Gunnarsson forstjóri Regins hf.

"Fjárvakur hefur reynst traustur samstarfsaðili, launavinnsla áreiðanleg og samskipti til fyrirmyndar. Starfsfólk Fjárvakurs býr yfir sérfræðikunnáttu á sviði starfsmannaþjónustu og flóknu kjarasamningsumhverfi heilbrigðisstétta sem er mikilvæg í rekstri þar sem starfsemin fer fram allan sólarhringinn, alla daga ársins. Þjónusta og þekking sem er launþegum og félagi til hagsbóta við að ná markmiðum sínum. Markmið hjúkrunaheimilisins Sóltúns er að veita íbúum sínum bestu hjúkrun og aðra þjónustu sem völ er á, á hverjum tíma og vera aðlaðandi starfsvettvangur, svo hægt sé að ná því.”

Anna Birna Jensdóttir framkvæmdastjóri Sóltúns
Fjárvakur – Icelandair Shared Services    |    Icelandairhúsinu    |    Reykjavíkurflugvelli    |    101 Reykjavík    |    Sími 505 0250    |    fjarvakur@fjarvakur.is
Fjárvakur – Icelandair Shared Services
Icelandairhúsinu
Reykjavíkurflugvelli
101 Reykjavík
Sími 505 0250
fjarvakur@fjarvakur.is